योगेशको ठहर : एमालेको एकता समस्याको मुल जड – ओली, खनाल र नेपाल
खबर कुरा
काठमाडौं । नेकपा एमालेका नेता योगेश भट्टराईले पार्टी विवादको मूल जड नेतृत्व पंक्तिमा रहेका मुख्य तीन नेता भएको दाबी गरेका छन् ।
माधव झलनाथ पक्षका भनिएका नेता भट्टराईले सामाजिक सञ्जालमार्फत आफ्नो धारणा राख्दै एमाले एकताको मूल समस्याको मूल जड अध्यक्ष केपी शर्मा ओली, वरिष्ठ नेता झलनाथ खनाल र माधवकुमारनेपाल भएको जिकिर गरेका हुन् ।
भट्टराईले अन्य दलसँग साझेदारी गर्न तयार हुने शीर्ष नेतृत्व आफ्नै नेताहरुसँग गम्भीर छलफल र साझा निस्कर्ष निकाल्न तयार नहुनेभन्दै आश्चर्य जनाएका छन् । उनले कसले किन र के कालागि यो सब गरेको भन्दै प्रश्न समेत गरेका छन् । एमाले एकताको समस्याको जड यही भएको उनको भनाइ छ ।
उनले भनेका छन्, – ‘कमरेड केपी ओली आफ्नै पार्टीका बरिस्ठ नेता कमरेड जे एन खनाल र कमरेड माधव नेपालसँग सहकार्य गर्न तयार नहुने तर महन्त ठाकुर र राजेन्द्र महतोसँग सत्ता साझेदारी र अन्य बिषयमा गठबन्धन गर्न तयार हुने ।
कमरेड जे एन खनाल र माधव नेपाल आफ्नै पार्टीका अध्यक्ष कमरेड केपी ओलीसँग मिल्न तयार नहुने तर शेर बहादुर देउपा, प्रचण्ड र उपेन्द्रसँग सत्ता साझेदारी र अन्य बिषयमा गठबन्धन गर्न तयार हुने ।
कस्ले, किन र के का लागि गर्दैछ यो सब ? एमाले एकताको समस्याको मुल जड यहिं छ ।’
नेता भट्टराईले यस विषयमा नेताहरुबीच गम्भिर छलफल गरी साझा निस्कर्षका साथ साझा अभियान मार्फत एमालेको एकता बचाउन जरुरी रहेको उल्लेख गरेका छन् ।
सम्बन्धित खबरहरु
