मन्त्री चौधरीद्वारा महिला बालबालिका विभागका कर्मचारीलाई उच्च मनोबलका साथ काम गर्न निर्देशन

खबर कुरा
२६ जेष्ठ २०७८, बुधबार

काठमाडौं । महिला, बालबालिका तथा ज्येष्ठ नागरिक मन्त्री चन्दा चौधरीलाई मन्त्रालय अन्तर्गत रहेको महिला बालबालिका बिभागले ब्रिफिङ गरेको छ ।

बुधबार पुल्चोकस्थित विभागको कार्यालयमा विभागका निर्देशक दुर्गा देवी देवकोटा पौडेलले एक कार्यक्रमको बीच विभागको गतिविधिबारेमा जानकारी गराएकी छिन् ।

निर्देशक पौडेलले विभागको औचित्य, चुनौती, अवसर र विगतदेखि गर्दै आएका गतिविधिका बारेमा जानकारी गराएकी हुन् ।

त्यसक्रममा राष्ट्रिय बाल अधिकार परिषदका कार्यकारी निर्देशक मिलन धरेलले परिषदको बारेमा जानकारी गराए । परिषद्को अध्यक्ष महिला, बालबालिका तथा ज्येष्ठ नागरिक मन्त्री रहने व्यवस्था रहेको छ । त्यसक्रममा मन्त्री चौधरीले परिषदको अध्यक्षमा पद्स्थापन गर्दै प्रदेश १, २ र लुम्बिनी प्रदेशमा बालबालिका खोज केन्द्र १०४ बिस्तार गर्ने निर्णयलाई सदर गरेकी थिइन ।

त्यसअवसरमा मन्त्री चौधरीले विभागबाट प्रदान गरिदै आएको सेवामा कुनै पनि ढिला सुस्ती नगरी कार्य सम्पदान गर्न निर्देशन दिइन । चौधरीले विभागअन्तर्गत वेरुजुको विकराल समस्या देखिएको हुँदा यसलाइ जति सकिन्छ तत्काल समाधानका उपायका लागि पहल गर्ने र त्यसमा सबैको सहयोग रहने विश्वास व्यक्त गरिन् ।

आफू महिला, बालबालिकाको समस्या समाधान गर्ने केन्द्रबाट प्रयाप्त नहुने भन्दै प्रदेस, जिल्ला र स्थानीय तहसम्म काम गर्ने संयन्त्र बनाउनु पर्नेमा उनले जोड दिइन ।

घरेलु र यौन हिंसाबाट महिलाहरु निकै पीडित हुने गरेको र सार्वजनिक गर्न नसक्ने स्थिती अझै पनि पुर्न रुपमा बनिनसकेको दुखदायी अबस्थाको अनुभव आफुले गरेको भन्दै उनले त्यसका लागि विभागले समाजको तल्लो वर्गका महिला र बालबालिकाको लागि परिणाम आउने गरि काम गर्नुपर्ने बताइन् ।

उक्त अवसरमा महिला, बालबालिका तथा ज्येष्ठ नागरिक राज्यमन्त्री रेनुका गुरुङ र मन्त्रालयका सचिव यमकुमारी खतिवडाको समेत सहभागिता रहेको थियो ।

 

यसमा तपाइको मत

Your email address will not be published. Required fields are marked *


*