समसमायीक राजनीतिक विषयमा छलफल गर्न सभामुख सापकोटाले बोलाए सर्वदलीय बैठक

काठमाडौं । सभामुख अग्निप्रसाद सापकोटाले संसदमा प्रतिनिधित्व गर्ने दलहरुको बैठक बोलाएका छन् ।

समासमायीक राजनीतिक बिषयमा छदफल गर्न सभामुख सापकोटाले पूर्व प्रधानमन्त्रीहरु सहित संसदमा प्रतिनिधित्व गर्ने दलको प्रमुखहरुलाई बैठकमा बोलाएका छन् । सभामुखले एमाले अध्यक्षको हैसियतले छलफलमा सहभागी भईदिनका लागि प्रधानमन्त्री केपी शर्मा ओलीलाई पनि पत्राचार गरेका छन् ।

सभामुख सापकोटाले प्रधानमन्त्री एवं एमाले अध्यक्ष सहित दलका प्रमुख र पूर्व प्रधानमन्त्रीहरुलाई २८ गते शुक्रबार संघीय संसद बानेश्वरको लोत्से हलमा सहभागी हुन आग्रह गर्दै पत्राचार गरेका हुन् । सभामुख सापकोटाले राजनीतिक दलका प्रमुखहरु र पूर्व प्रधानमन्त्रीहरुसँग छलफल गर्न लागेको सभामुखको सचिवालयले जनाएको छ ।