२५ सदस्यीय बन्यो ओली मन्त्रिपरिषद्; तीन उपप्रधानमन्त्री, १८ मन्त्री, ३ राज्यमन्त्री

कसले कुन मन्त्रालय पाए ?
खबर कुरा
२७ जेष्ठ २०७८, बिहीबार

काठमाडौं । प्रधानमन्त्री केपी शर्मा ओलीले मन्त्रिपरिषद् विस्तार गरेका छन् ।

आफ्नो कार्यकालमा सबैभन्दा धेरै पटक मन्त्रिपरिषद् विस्तार, पुनर्गठन गरेर नाम बनाएका ओलीले बिहीबार पुनः विस्तार गरेका हन् ।

ओलीले आज सात जना मन्त्री र एक राज्यमन्त्री थपेर आफ्नो मन्त्रिपरिषद् २५ सदस्यीय बनाएका छन् । २५ सदस्यीय मन्त्रिपरिष्मा तीन जना उपप्रधानमन्त्री बनाइएका छन् भने १८ मन्त्री रहेका छन् । यस्तै तीन राज्यमन्त्री बनाइएको छ । संविधानअनुसार मन्त्रिपरिषद २५ जना भन्दा बढी बन्न पाउँदैन ।

ओलीको पछिल्लो मन्त्रिपरिषद्मा सबैभन्दा धेरै जनता समाजवादी पार्टी जसपाको महन्थ ठाकुर पक्षका रहेका छन् । ओलीले ठाकुर पक्षका ११ जनालाई मन्त्री बनाइदिएका छन् ।

राष्ट्रपति कार्यालयले विज्ञप्ति जारी गर्दै राष्ट्रपति विद्यादेवी भण्डारीले प्रधानमन्त्री ओलीको नेतृत्वमा मन्त्रिपरिषद्को कार्यविभाजन गरेको जनाएको छ ।
मौजुदा मन्त्रिपरिषद्मा संविधान बमोजिम प्रधानमन्त्रीको सिफारिसमा नियुक्रि, हेरफेर र कार्यविभाजन भएको राष्ट्रपति कार्यालयले जनाएको छ ।

यसमा तपाइको मत

Your email address will not be published. Required fields are marked *


*