चिकित्सा शिक्षा आयोगमा राजनीतिकरणको विरोधमा प्रधानमन्त्री निवास बाहिर प्रदर्शन, भित्र आयोगको बैठक

नागरिक अभियन्ताहरु पक्राउ
खबर कुरा
२८ जेष्ठ २०७८, शुक्रबार

काठमाडौं । निजी मेडिकल कलेजलाई गैरकानूनी रुपमा सम्बन्धन दिन लागेको विरोधमा नागरिक अभियन्ताहरुले बालुवाटारमा विरोध प्रर्दशन गरेका छन् ।

चिकित्सा शिक्षा आयोगमाथि राजनीतिक हस्तक्षेप बन्द गर्न माग गर्दै अभियन्ताहरुले प्रधानमन्त्री निवास बालुवाटार नजिकै प्रदर्शन गरेका हुन् । प्रदर्शनकारीले ‘स्वास्थ्य सेवा हो, व्यापार होइन, जनस्वास्थ्यमा प्रतिगमन भयो’ जस्ता प्लेकार्डहरु प्रदर्शन गरेका छन् ।

प्रदर्शनको क्रममा प्रहरीले नारायण वाग्ले, खगेन्द्र संग्रौला, सञ्जिव उप्रेती, युग पाठक, अर्चना थापा, रिता परियारलगायत १० जना भन्दा बढीलाई पक्राउ गरेको छ ।

प्रधानमन्त्री केपी शर्मा ओलीको निर्देशनमा झापाको बी एण्ड सी मेडिकल कलेजलाई काठमाडौं विश्वविद्यालयबाट जवरजस्ती सम्बन्धन दिने तयारी गरेको भन्दै नागरिक अभियन्ताहरुले विरोध गरेका हुन् । उनीहरुले चिकित्सा शिक्षा आयोगलाई सम्बन्धनका लागि अनावश्यक दबाब द्रिइएको आरोप लगाएका छन् । सरकारी अस्पतालको गुणस्तर सुधार नगरी निजी मेडिकल कलेजलाई जथाभावी सम्बन्धन बाँडेको भन्दै उनीहरुले विरोध गरेका हुन् ।

उता प्रधानमन्त्री ओलीले बालुवारमै चिकित्सा शिक्षा आयोगको बैठक बोलाएका छन् । बिहान ११ बजेदेखि बैठक बोलाइएको छ । बी एण्ड सीलाई सम्बन्धन दिनकै लागि आयोगको बैठक बोलाइएको अनुमान गरिएको छ ।

यसमा तपाइको मत

Your email address will not be published. Required fields are marked *


*