काठमाडौं । फिफा विश्वकप-२०२२ तथा एसियन कप-२०२३ अन्तर्गत दोस्रो चरणको छनोटको अन्तिम खेलमा नेपालले आज बलियो टिम अष्ट्रेलियासँग प्रतिस्पर्धा गरिरहेको छ ।
कुवेत सिटीस्थित जाबेर अल अहमद अन्तराष्ट्रिय स्टेडियममा शुक्रबार राति भएको खेलको पहिलो हाफमा नेपालविरुद्ध अष्ट्रेलियाले २-० को अग्रता लिएको छ । अष्ट्रेलियाका लागि खेलको छैटौँ मिनेटमा माथे लेक्कीले गोल गर्दै सुरुवाती अग्रता दिलाए । त्यसपछि ३८औँ मिनेटमा फ्रनज कारासिकले गोल गर्दै अष्ट्रेलियाको अग्रता दोब्बर पारे ।
यस्तै, नेपाललाई धक्कासमेत लागेको छ । ४५औँ मिनेटमा डिफेण्डर रोहित चन्द रातो कार्ड खाँदै मैदानबाट बाहिरीएपछि नेपाल १० खेलाडीमा समेटिएको छ । पेनाल्टी क्षेत्र बाहिर वन भर्सेस वनको स्थितिमा अघि बढेको अवस्थामा मार्टिन बोएललाई फल गरेको भन्दै रेफ्रीले रोहितलाई रातो कार्ड देखाएका थिए ।
प्रतिक्रिया