पोखरा । गण्डकी प्रदेशका नवनियुक्त मुख्यमन्त्री कृष्णचन्द्र नेपालीले पद तथा गोपनीयताको सपथ लिएका छन् ।
प्रदेश प्रमुख सीतादेवी पौडेलले मुख्यमन्त्री नेपालीलाई सपथ दिलाएकी छिन् ।
गठबन्धन सरकारको नेतृत्व गरेका मुख्यमन्त्री नेपालीले कांग्रेस, माओवादी केन्द्र र जसपा र स्वतन्त्र सांसद समेटेर मन्त्रिपरिषद् विस्तार समेत गरेका छन् ।
कांग्रेसबाट कुमार खड्का, माओवादी केन्द्रबाट मधु अधिकारी, जसपाबाट हरिशरण आचार्य र स्वतन्त्र सांसद दिपक मनाङे विनाविभागीय मन्त्री बनेका छन् । चारै जना मन्त्रीले पनि सपथ लिएका छन् ।
संविधानको धारा १६८ (३) अनुसार मुख्यमन्त्री बनेका पृथ्वीसुब्बा गुरूङले प्रदेशसभामा विश्वासको मत हासिल गर्न नसकेपछि सोही धाराको ५ अनुसार नेपालीको नेतृत्वमा वैकल्पिक सरकार बनेको हो ।
३१ जना सांसदको समर्थनमा नेपाली मुख्यमन्त्री बनेका हुन् । अब उनले ३० दिनभित्र संसदमा विश्वासको मत लिनुपर्छ ।
प्रतिक्रिया