बुटवल । लुम्बिनी सरकारको नीति तथा कार्यक्रम बहुमतले पारित भएको छ ।
प्रदेश प्रमुख धर्मनाथप्रसाद यादवले प्रदेशसभामा पेश गरेको नीति तथा कार्यक्रम आज बहुमतले पारित भएको हो ।
नीति तथा कार्यक्रम पारित भएसँगै सरकालाई बजेट ल्याउने बाटो खुलेको छ । अब असार १ गते सरकारले आगामी आर्थिक वर्ष २०७८/७९ को बजेट पेश गर्नेछ ।
बजेट ल्याउनु अघि प्रदेशसभामा बहुमत सिद्ध गर्नुपर्ने माग गर्दै आएका विपक्षी दलहरुले नीति तथा कार्यक्रम पारित गर्न भने अवरोध नगर्ने बताउँदै आएका थिए । संसद अवरोध गरे संसद नै बन्द गरेर अध्यादेशबाट बजेट ल्याउने सरकारको नियत रहेको भन्दै विपक्षी दलहरुले नीति तथा कार्यक्रम पारितको समयमा कुनै अवरोध नगरेका हुन् ।
त्यसअघि मुख्यमन्त्री शंकर पोखरेलले नीति तथा कार्यक्रमको बारेमा सांसदहरुले उठाएका प्रश्नको जवाफ दिएका थिए ।
प्रतिक्रिया