लमजुङ । मनसुन सुरु भएसँगै बाढी र पहिरोको जोखिम बढ्न थालेको छ ।
सोमबार साँझदेखि निरन्तर भिषण वर्षा हुँदा मस्याङ्दी नदीमा आएको बाढीले मनाङको नासो गाउँपालिका वडा नं. १ स्थित तालगाउँको आधा वस्ती नै डुवानमा परेको छ । बस्तीमा बाढी छिरेपछि स्थानीय बासिन्दाहरु पहरामुनी गएर रात बिताउन बाध्य भएका छन् । गाउँमा टेलिफोन सेवा पनि अवरुद्ध भएको छ ।
यस्तै, तिमाङखोलमा आएको बाढीले चामे गाउँपालिका १ स्थित बेलिब्रिज बगाएको छ । यसैगरी तिमाङखोलामै रहेको ३२ किलोवाट क्षमताको स्याल्क्युखोला लघुजलविद्युत् गृह बगाएको छ । त्यस्तै सदरमुकाम चामेमा ४ वटा घर बाढीले बगाएको क्षति पुर्याएको छ ।
सदरमुकाम चामेमा पनि स्थानीय घट्टेखोलाको बाढीले चारवटा घर बगाएको जिल्ला प्रहरी कार्यालय मनाङले जनाएको छ । खोलाले बगाएर ल्याएको ढुंगामुढाले पुल थुनिँदा बाढी बस्तीतिर छिरेको छ ।
बाढीपहिरोको अवस्थालाई मध्यनजर गर्दै उद्दारका लागि तयारी अवस्थामा बस्न र जहाँ समस्या छ त्यहाँ तत्काल मुभ हुन स्थानीय प्रहरी इकाईलाई जिल्ला प्रहरी कार्यालयले निर्देशन दिएको छ ।
प्रतिक्रिया