बुटवल । २ दिनदेखि आएको अविरल वर्षका कारण बुटवल स्थित तिनाउ नदीको वहाव उच्च भएको छ । वर्ष जारी रहंदा तिनाउको वहाव अहिले सम्मकै उच्च भएको बताईएको छ । वहावले खताराको संकेत नाघेपछि नदी आसपासमा बस्दै आएका स्थानियलाई सतर्क रहन आह्वान गरिएको छ ।
तिनाउको बहाव उच्च भएपछि आज अपरान्ह बुटवल उपमहानगरका प्रमुख शिवराज सुबेदीले नदीको अवलोकन गर्दै नदी आसपास बसोबास गरिरहेका स्थानियलाई सतर्क रहन आग्रह गरेका छन् । बिगत ३६ वर्ष यताकै ठुलो बहाव देखिएको पुरानो बुटवलका एक स्थानियले बताए ।
वर्षा हुने क्रम जारी रहेकाले नदीको बहाव अझै बढ्न सक्ने अनुमान गरिएको छ । मौसम पूर्वानुमान महाशाखाले पनि तिनाउ नदीको बहाव अझै तीन दिन बढ्न सक्ने सुचना गर्दै सतर्कता अपनाउन आग्रह गरेको छ ।
प्रतिक्रिया