काठमाडौं । सिन्धुपाल्चोकस्थित मेलम्ची नदीमा आएको बाढीले हेलम्बुमा रहेका सशस्त्र, नेपाल प्रहरी र नेपाली सेनाको क्याम्प बगाएको छ ।
साथै, बाढीले ठूलो जनधनको क्षति गरेको आशंका गरिएको छ । मंगलबार साँझ मेलम्ची नदीमा बाढी आएको र त्यसले ठूलो जनधन क्षति गरेको प्रहरीले जनाएको छ ।
स्थानीय बासिन्दाका अनुसार, त्यहाँ करिब ५० जनाभन्दा बढी मानिसहरु बेपत्ता भएका छन् । बाढीले मेलम्ची खानोपानी आयोजनाको ड्याममा क्षति पुगेको छ ।
स्वास्थ्यमन्त्री शेरबहादुर तामाङका अनुसार, नाकोटे पूल, तिम्बु पूल, फट्टे पूल, मेलम्ची पूल, बाहुनेपाटी पूल, ढाँडखोला पूल समेत बाढीले बगाएको जानकारी दिए ।
आज बिहानैदेखि घटनास्थलहरुमा प्रहरी टोली, सशस्त्र प्रहरीको टोली जाने तयारी गरेको छ । बाढी पहिरो नरोकिएकाले पैदलस्थलबाट सबै घटनास्थल पुग्न कठिन रहेको सिन्धुपाल्चोक प्रहरीले बताएको छ ।
मन्त्री तामाङको अपिल- ‘प्राकृतिक बिपत्तिमा सबैलाई संयमता पूर्वक उद्दार र राहातमा जुटन हार्दिक अपिल गर्दछु । सरकारले आजै टेण्ट र खाध्यान्न जुन जुन बस्तीमा क्षति भएको छ त्यहाँ खसाल्छौं । स्थानीय जनतामा जसको घर बगाएको छ वहाँहरुलाई घर हुनेहरुले आश्रय दिनुहुन अपिल गर्दछु । अन्तरास्ट्रिय समुदायलाई यो बिपत्तिमा साथदिन अपिल गर्दछु । मलाई सम्पर्क गर्न ९८५१०४०८२१ मा गर्नुहोला । मेरो स्वकिय निर्मल बन्जारा ९८५११७५३१० हो स्थानीय प्रशासन र जनप्रतिनिधिहरुसंग प्रत्यक्ष सम्पर्कमा रहनुहोला । आजै निरिक्षण हुने जानकारी गराउँदछु । खोलाको बहकाव झनझन बढिरहेकाले सप्तकोसीसम्मका बासिन्दहरुलाई सचेत र सुरक्षित रहन अपिल गर्दछु ।’
फोटोफिचर
प्रतिक्रिया