नर्भिक पुगेर वरिष्ठ नेता जेएनलाई भेटे एमाले महासचिव पोखरेलले

अध्यक्ष ओलीले निष्काशन गरेका खनाललाई महासचिवले भने – ‘हाम्रा पार्टीका बरिष्ठ नेता’
खबर कुरा
२ असार २०७८, बुधबार
                 

काठमाडौं । एमाले विवादमा विपक्षीहरुप्रति अलि कडा देखिने गरेका महासचिव ईश्वर पोखरेलले बिरामी भएर उपचारका लागि दिल्ली जान लागेका पूर्वप्रधानमन्त्री एवं वरिष्ठ नेता झलनाथ खनाललाई अस्पताल पुगेर भेटेका छन् ।

नेता खनाल थप उपचारका लागि दिल्ली जाने तयारी गरिरहेका बेला एमाले महासचिव पोखरेलले बुधबार खनाललाई थापाथलीस्थित नर्भिक अस्पताल पुगेर भेट गरेका हुन् ।

अध्यक्ष ओलीले पार्टीबाट निष्काशन गरेको भएपनि महासचिव पोखरेलले फेसबुकमा नेता खनाललाई पूर्वप्रधानमन्त्री एवं नेकपा (एमाले)का वरिष्ठ नेता भनेर सम्बोधन गर्दै खनालको स्वास्थ्य लाभको कामना गरेका छन् । उनले नेता खनालको अवस्थाबारे जानकारी लिएको समेत जानकारी गराएका छन् ।

भेटमा नेता खनालले महासचिव पोखरेललाई ‘तपाईंले पार्टी मिलाउनुस् कमरेड १’ भनेर आग्रह गरेको पोखरेलका प्रेस सल्लाहकार गणेश पाण्डेले जनाएका छन् । जवाफमा पोखरेलले शीघ्र स्वास्थ्य लाभको कामना गर्दै छिट्टै निको भएर आएपछि सल्लाह गर्ने बताएको पाण्डेले सामाजिक सञ्जालमा लेखेका छन् ।

नेता खनाललाई नेपाल एयरलाइन्सको जहाजमार्फ़त थप उपचारका लागि आजै भारतको नयाँ दिल्ली लगिएको छ ।

यसमा तपाइको मत

Your email address will not be published. Required fields are marked *


*