नेपालगन्ज । बाँकेमा क्रियाशिल पत्रकारहरुलाई नेपाल पत्रकार महासंघ बाँके शाखाले २ लाख रुपैयाँको दुर्घटना बिमा गरिदिने भएको छ । शाखा कार्यसमितिको आज बसेको बैठकले उक्त निर्णयउ गरेको शाखा सचिव कमल डाँगीले प्रेस विज्ञप्तिमार्फत जानकारी दिएका छन् ।
जिल्लाका पत्रकारहरुको सम्भावित जोखिमलाई मध्यनजर राख्दै उपचारमा सघाउ पुर्याउने उदेश्यले सम्पूर्ण सदस्य र जिल्लामा क्रियाशिल रहेका अन्य पत्रकारकालागि समेत २ लाख रुपैयाँको दुर्घटना बिमा गर्ने निर्णय गरिएको विज्ञप्तिमा उल्लेख गरिएको छ ।
सोही बिमाबाट पत्रकारहरुले २० हजारसम्मको उपचार खर्च पाउने दिर्घकालीन रुपमा अपाङ्ग भएका तथा ज्यान गुमाएका पत्रकारको हकमा बिमाले २ लाख रुपैयाँ रुपैया उपलब्ध गराउने गरि बिमा गर्ने निर्णय भएको पत्रकार महासंघ बाँके शाखाका अध्यक्ष दामोदर भण्डारीले बताए । पत्रकारहरु हरेक पटक दुर्घटना हुँदा उपचार बापत बढीमा २० हजार सम्म उपचार खर्च बिमा कम्पनीले ब्यहोर्ने गरि बिमा गर्न थालिएको भण्डारीले बताए ।
महासंघले आफ्नै पहलमा देशमै पहिलो पटक पत्रकारका लागि यो योजना अगाडि सारेको महासंघ बाँके शाखाले दाबी गरेको छ । यस अघि प्रदेश सरकारको अनुदानमा प्रदेशका क्रियाशिल महासंघका सदस्यहरुलाई १ लाख बराबरको कोरोना बिमा गरिदिएको थियो ।
सचिव डाँगीद्धारा जारी बिज्ञप्तीमा बाँकेमा क्रियाशिल छुटेका सबै पत्रकारलाई कोरोना विरुद्धको खोप उपलब्ध गराउन पनि सम्बन्धित निकायलाई आग्रह गरिएको छ ।
प्रतिक्रिया