काठमाडौं । नेकपा एमाले माधव नेपाल पक्षले विपद् विज्ञ डा. गंगालाल तुलाधरको संयोजकत्वमा विपद् व्यवस्थापन न्यूनिकरण तथा व्यवस्थापन समिति गठन गरेको छ।
नेपाल पक्षको आज बसेको स्थायी कमिटी बैठकले विपद विज्ञ समेत रहेका नेता डा. गंगालाल तुलाधरणको संयोजकत्वमा विपद् व्यवस्थापन न्यूनिकरण तथा व्यवस्थापन समिति गठन गरेको हो।
बैठकमा सहभागी एक नेताका अनुसार समितिमा जनवर्गीय संगठनका अध्यक्ष, महासचिव र पार्टीका प्रदेश प्रतिनिधि रहने व्यवस्था गरिएको छ । तुलाधर एमालेको विपद् व्यवस्थापन विभाग प्रमुख पनि हुन् ।
बैठकपछि १४ जना स्थायी कमिटी सदस्यहरुको नामसहित माधवकुमार नेपालद्वारा हस्ताक्षरित विज्ञप्तिमा बाढीपहिरो र डुबानबाट पीडित जनतालाई तत्काल उद्धार र राहत उपलब्ध गराउन माग गरिएको छ । उनीहरुले निष्पक्ष र पारदर्शीरूपमा राहत उपलब्ध गराउन सरकारसँग माग गरेका छन् ।
बैठकले उपचाररत वरिष्ठ नेता झलनाथ खनाल र रघुजी पन्तको स्वास्थ्य लाभको कामनासमेत गरेको छ।
प्रतिक्रिया