पार्टीको आधिकारिकता दाबी गर्न जसपा यादव पक्ष निर्वाचन आयोग जाँदै

काठमाडौं । जनता समाजवादी पार्टी जसपाको उपेन्द्र यादव पक्ष पार्टीको आधिकारिकता दाबी गर्न आज निर्वाचन आयोग जाने भएको छ ।

अध्यक्ष यादव पक्षको बहुमत रहेको जसपाको कार्यकारिणी बैठकले पुनः आयोगमा गएर पार्टीको आधिकारिकता दाबी गर्ने निर्णय गरेको थियो । सोही आधारमा आज याद पक्ष आयोगमा गएर निवेदन दिन लागेको हो ।

जसपाका नेताहरु दिउँसो २ बजे आयोगमा पुगेर पार्टीको नाम, चुनाव चिन्ह, छाप, निर्णयको आधिकारिकताका लागि बहुमत कार्यकारिणीको हस्ताक्षरसहित निवेदन दिने तयारी गरेका हुन् ।

जसपाले राजनीतिक दलसम्बन्धी ऐनको दफा ४३ र ४४ अनुसार पार्टीको आधिकारिकता दाबी गर्न लागेको हो ।