कोपा अमेरिका : कोलम्बियामाथि पेरुको जित

काठमाडौं । जारी कोपा अमेरिका फुटबलमा पेरुले पहिलो जित हात पारेको छ । सोमबार बिहान सम्पन्न खेलमा पेरुले कोलम्बियालाई २-१ गोल अन्तरले पराजित गरेको हो ।

खेलको १७ औं मिनेटमा सर्जियो पेनाले गोल गर्दै पेरुलाई सुरुवाती अग्रता दिलाएका थिए । खेलको ५३ औं मिनेटमा मिगुएल बोर्जाले पेनाल्टीमा गोल गर्दै कोलम्बियालाई १-१ गोलको बराबरीमा ल्याए ।

खेलको ६४औं मिनेटमा कोलम्बियाका एरी मिनाले आत्मघाती गोल गरेपछि पेरु २-१ ले विजयी भयो ।

जितसँगै समूह ’बी’ को पेरु २ खेलमा ३ अंकका साथ तेस्रो स्थानमा रहेको छ । कोलम्बियाले ३ खेलबाट ४ अंक जोडेको कोलम्बिया दोस्रो स्थानमा छ । यसै समूहको अर्को खेलमा भेनेजुएला र इक्वेडरले २–२ गोलको बराबरी खेल्दै अंक बाडेका छन ।