काठमाडौं । राष्ट्रपति विद्यादेवि भण्डारीले संघीय संसदको राष्ट्रियसभाको अधिवेशन आह्वान गरेकी छन् ।
आगामी असार १७ गते अपरान्ह ४ बजे बस्ने गरी राष्ट्रपतिले राष्ट्रिय सभाको अधिवेशन आह्वान गरेकी हुन् । १० गते बसेको मन्त्रिपषिद्को सिफारिस अनुसार अधिवेशन आह्वन गरिएको राष्ट्रपति कार्यालयले विज्ञप्तिमार्फत जनाएको छ ।
संविधानमा संघीय संसदको अधिवेशन अघिल्लो अधिवेशन सकिएको ६ महिना भित्र बोलाउनै पर्ने प्रावधान छ । राष्ट्रियसभाको अघिल्लो अधिवेशन पुष २५ गते सकिएको थियो ।
पहिलो पटक प्रतिनिधिसभा विघटन गरेका प्रधानमन्त्री केपी शर्मा ओलीले राष्ट्रिय सभाको अधिवेशन बोलाउन सिफारिस गरेअनुसार राष्ट्रपतिले पुष १७ गते अधिवेशन बोलाएकी थिइन । तर, ओलीले गरेको प्रतिनिधिसभा विघटन विरुद्ध राष्ट्रियसभाका अधिकांश सांसदहरुले बैठकमा प्रश्न उठाउन थालेपछि एक साताभित्रै सो अधिवेशनको हठात अन्त्य गरिएको थियो ।
अहिले पनि अधिवेशन बोलाउनै पर्ने संवैधानिक बाध्यताका कारण राष्ट्रियसभाको अधिवेशन बोलाउन सरकार बाध्य भएको हो । यो अधिवेशन एक साता बढी चल्न सक्ने अवस्था छैन ।
प्रतिक्रिया