नेपालगन्ज । बाँकमा उपचाररत ३ जना कोरोना संक्रमितको गयराती मृत्यु भएको छ । दैलेख, प्युठान र दाङबाट उपचारका लागि बाँकेमा रहेका ३ जना संक्रमितको फरक फरक समयमा राती मृत्यु भएको हो ।
डीसीएमसी बाँकेका अनुसार असार १३ गते भेरी अस्पतालमा भर्ना भएका झिमरुक ३ प्युठानका ३८ वर्षिय पुरुष, असार ४ गते भेरी अस्पताल भर्ना भएका घोराही ११ दाङका ६८ वर्षि पुरुष र असार १० गते भेरी मै भर्ना भएका आठबिसकोट ४ दैलेखका ७३ वर्षिय पुरुषको राती मृत्यु भएको हो । उनीहरुको क्रमशः मध्यराती १ बजे, २ः३५ बजे र ३ः१५ बजे मृत्यु भएको अस्पतालले जनाएको छ ।
आज मृत्यु भएसँगै बाँकेमा उपचाररत बाँके बाहिरका संक्रमितको मृत्युको संख्या ३६१ पुगेको छ । विगत केहिदिन देखि बाँके जिल्ला भित्रबाट कुनै संक्रमितको मृत्यु भएको छैन भने कोरोनाको दोस्रो लहर सुरुभएपछि आईतबार बाँकेमा कसैलाई पनि संक्रमण पुष्टि नभएको बाँकेका कोरोना फोकलपर्शन तेज ओलीले बताए ।
प्रतिक्रिया