माधव नेपाललाई प्रधानमन्त्रीमा प्रस्ताव गर्न मलाई बहुला कुकुरले टोकेको छ र ? : ओली

काठमाडौं । प्रधानमन्त्री एवं नेकपा एमालेका अध्यक्ष केपी शर्मा ओलीले माधवकुमार नेपाललाई प्रधानमन्त्रीमा प्रस्ताव गर्न आफुलाई बहुला कुकुरले नटोकेको टिप्पणी गरेका छन् ।

मदन भण्डारीको ७० औं जन्मजयन्तीको अवसरमा आयोजित कार्यक्रममा नेता नेपालमाथि खनिँदै ओलीले नेपाललाई प्रधानमन्त्रीमा प्रस्ताव गर्न आफुलाई बहुला कुकुरले टोकेको हुनुपर्ने बताएका हुन् । ओलीले नेपाल प्रचण्डको पुच्छर भएको आरोप लगए ।

दुई दिन अघि नेता नेपालले संचारकर्मीहरुसँगको अन्तक्र्रियामा आफुलाई फकाउन प्रधानमन्त्रीको प्रस्ताव आएको भन्दै आफुले सहयात्री दललाई धोका नदिने बताएका थिए । त्यसैको प्रतिवाद गर्दै ओलीले आज नेपाल प्रचण्डको मामुली कार्यकर्ता भएको आरोप लगाए । ओलीले भने, ‘माधव नेपाल भनेको प्रचण्डको मामुली कार्यकता हुन् । तर धाक के लगाएर हिँडेका छन् भने केपी ओलीले मलाई प्रधानमन्त्रीको प्रस्ताव राख्यो ? मलाई बहुला कुकुरले टोकेको छ र ? नेपालमा कोही नभेट्टाएर यस्ता मान्छेलाई प्रधानमन्त्रीको प्रस्ताव केपी ओलीले राख्ला।’’