काठमाडौं । नेकपा एमालेले १० औं महाधिवेशन आयोजक समिति खारेज भएको छ ।
बुधबार प्रधानमन्त्रीको सरकारी निवास बालुवाटारमा बसेको आयोजक कमिटीको बैठकले सो कमिटीलाई खारेज गरेको हो । यससँगै असार १८ गते शुक्रबार केन्द्रीय कमिटीको बैठक बोलाइएको छ ।
बैठकपछि संचारकर्मीसँग कुरा गर्दै पार्टी प्रवक्ता प्रदीप ज्ञवालीले दशौं महाधिवेशन आयोजक कमिटीलाई केन्द्रीय कमिटीमा रुपान्तरण गरिएको बताए । ज्ञवालीले केन्द्रीय कमिटीको बैठक पर्सि १८ गते बस्ने पनि जानकारी दिए ।
बैठकले पार्टीको स्थायी कमिटीमा रामबहादुर थापा बादल, लेखराज भट्ट, टोपबहादुर रायमाझी, मणि थापा, रघुवीर महासेठ, रघु पन्त, विष्णु रिमाल र बेदुराम भुसाललाई मनोनीत गर्ने निर्णय ज्ञवालीले जानकारी दिए ।
यस्तै दशौं महाधिवेशन आयोजक कमिटीले यसअघि माधवकुमार नेपालसहित ११ नेतामाथि गरेको कारवाही स्वतः निस्कृय भएको छ । सर्वोच्च अदालतको पछिल्लो आदेश महाधिवेशन आयोजक कमिटीले गरेका सबै कारवाही निस्प्रभावी भएको प्रवक्ता प्रदीप ज्ञवालीले बताए ।
बैठकले कोरोना महामारी नियन्त्रण गर्न सरकारले सफल काम गरेको भन्दै उच्च प्रशंशा गरेको छ । यस्तै सबै नागरिकलाई खोप दिलाउन पनि सरकारसँग माग गरेको छ ।
प्रतिक्रिया