काठमाडौं । विपक्षी गठबन्धनको देशब्यापी जन परिचालन गर्ने निर्णय अनुसार गठबन्धन निकट विद्यार्थी संगठनहरुले बिहीबार काठमाडौंको भृकुटीमण्डप स्थित प्रदर्शनीमार्गमा सरकारविरुद्ध प्रदर्शन गरेको छ ।
नेपाली कांग्रेस, नेकपा माओवादी केन्द्र, नेकपा एमालेको माधवकुमार नेपाल समूह, जनता समाजवादी पार्टीको उपेन्द्र यादव समूह र राष्ट्रिय जनमोर्चाको विद्यार्थी संगठनले प्रदर्शनीमार्गमा सरकार विरुद्ध प्रदर्शन गरेका हुन् । उनीहरुले प्रदर्शनकै क्रममा प्रधानमन्त्री ओली पुत्ला समेत दहन गरेका छन् ।
पुतला दहनका क्रममा प्रहरीले पुत्ला खोसेर निभाउने प्रयार गर्दा प्रदर्शनकारी विद्यार्थी र प्रहरी बीच केहिबेर धकेलाधकेल भएको थियो । प्रधानमन्त्री केपी शर्मा ओलीले प्रतिनिधिसभा विघटन गरेको विरोधमा विपक्षी गठबन्धनले सडक आन्दोलनको आह्वान गरेका छन् ।
प्रतिक्रिया