काठमाडौं । नेकपा एमालेका अध्यक्ष केपी शर्मा ओलीले सर्वोच्च अदालतको फैसला आउँदासम्म पनि हस्ताक्षर फिर्ता नभए उनीहरु एमाले नरहने प्रष्ट पारेका छन् ।
एमाले केन्द्रीय कमिटी बैठकलाई सम्बोधन गर्दै अध्यक्ष ओलीले प्रतिनिधिसभा विघटनसम्बन्धी मुद्दामा फैसला आउँदासम्म हस्ताक्षर फिर्ता नलिनेहरु एमाले रहन नसक्ने बताएका हुन् ।
ओलीले देउवाको पक्षमा हस्ताक्षर गर्ने निवर्तमान सांसदहरु एमाले नरहने बताए । मुद्दाको फैसला हुँदासम्म पार्टीमा कित्ता क्लियर भैसक्ने बताउँदै उनले पार्टी नेतृत्वमा रहेको सरकार ढाल्ने र वैकल्पिक सरकार बनाउन हस्ताक्षर गर्नेहरु पार्टीका नेता कार्यकर्ता हुन नसक्ने स्पष्ट पारे ।
ओलीले माधव नेपालसँग आज भएको फोन सम्वादमा प्रतिपक्षी मोर्चामा गएर हस्ताक्षर गर्दै हिँड्नेको हैसियत के हुन्छ भन्नेबारे प्रष्ट बताइसकेको जनाए ।
ओलीले अरुको पार्टीमा जानेलाई पर्खेर नबस्ने बताए । ओलीले भने– जेठ २ मा फर्कियौं, त्यो भनेको यही हो । जो आउँदैन, अर्को पार्टीमा जानेलाई पर्खिने होइन । यात्रामा अगाडि पनि साथी भेटिन्छन् ।’
प्रतिक्रिया