काठमाडौं । सिंहदरबार अगाडि प्रदर्शन गर्न खोज्दा नागरिक अभियन्ताहरु पक्राउ परेका छन् ।
स्वास्थ्य शिक्षामा भैरहेको चरम व्यथिति विरुद्ध सिंहदरबार अगाडि प्रदर्शन गर्न गएका अभियन्ताहरुलाई प्रहरीले दक्षिण गेट नजिकैबाट पक्राउ गरेको हो ।
नागरिक अभियन्ताहरुले धरानस्थित बीपी कोइराला स्वास्थ्य विज्ञान प्रतिष्ठान बचाउनुपर्ने भन्दै प्रदर्शन गर्न खोजेका थिए । तर प्रहरीले प्रदर्शन सुरु हुनु अघि नै नागरिक अभियन्ताहरु नारायण वाग्ले, खगेन्द्र संग्रौला, सञ्जिव उप्रेती, नारायण ढकाल, श्रवण मुकारुङ, अर्चना थापा लगायत १५ जनालाई पक्राउ गरेको छ ।
पक्राउ परेकाहरुलाई नेपाल पुलिस क्लब प्रदर्शनीमार्गमा राखिएको छ ।
प्रतिक्रिया