रुपन्देहीको कोटहिमाईको जुवा अड्डामा प्रहरीको छापा, १ लाख ६८ हजार नगद सहित ११ जुवाडे पक्राउ

बुटवल । रुपन्देही प्रहरीले जिल्लाको कोटहिमाईमा संचालनमा रहेको जुवा अड्डामा छापा मारेको छ । आर्थिक लेनदेन गर्दै जुवा अड्डा संचालनमा रहेको सूचनाका आधारमा आज प्रहरीले छापा मार्दा जुवा खेलिरहेका ११ जना जुवाडेलाई प्रहरीले पक्राउ गरेको छ ।

पक्राउ पर्ने जुवाडेहरुमा जिल्ला रुपन्देही कोटहीमाई गाउँपालिका ३ का मोहमद लाडले अन्सारी, धर्मेन्द्र भन्ने कम्लेश कुमार यादव, विशाल यादव, मोहमद सरिफ जोलहा, सुरज यादव, निरज कुमार यादव, संजय जैशवाल रहेका छन् । त्यसैगरि मायादेवी गाउँपालिका ५ का भगवानदाश कुर्मी, सोनु मल्लाह, समिर धुनिया र घनश्याम यादवलाई पनि जुवा खेलिरहेको अवस्थामा प्रहरीले पक्राउ गरेको छ ।

पक्राउ परेका जुवाडेहरुबाट प्रहरीले नगद १ लाख ६८ हजार ९०५ रुपैयाँ, बिभिन्न कम्पनीका मोबाईल १० थान, ट गड्डी तास र जुवा खेल्न प्रयोग गरेको प्लाष्टिकको बोरा १ थान बरामद गरीएको रुपन्देही प्रहरी प्रवक्ता डीएसपी सत्यनारायण थापाले जानकारी दिए । पक्राउ परेकाहरुलाई जुवा ऐन अनुसार अनुसन्धान भईरहेको प्रहरीले जनाएको छ ।