नेपालगन्ज । कुनैबेला नेपाली काँग्रेसको केन्द्रीय सभापति दिन सफल बाँके जिल्लामा कांग्रेसको महाधिवेशन नजिकिँदै गर्दा आन्तरिक भेटघाट र चुनावी रणनीति बनाउन नेताहरुलाई भ्याईनभ्याइ भएको छ । वार्ड, पालिका, निर्वाचन क्षेत्र हुँदै जिल्ला शाखा कार्यसमितिको नेतृत्व गर्न नेताहरुले दौडधुप गर्न थालेका छन् ।
कुनैबेला सुशिल कोईराला पार्टी सभापति रहँदा संस्थापनमा गनिएका नेताहरु अहिले संस्थापन इतरका रुपमा संगठित भईरहेका छन् भने त्यतिबेला इतर राजनीति गरेका नेताहरु यतीबेला संस्थापनका तर्फबाट पदहरुमा दाबी गरिरहेका छन् ।
कांग्रेसको संशोधित साँगठानिक संरचना अनुसार सक्रिय सदस्यहरुबाट वडा, पालिका, प्रादेश समिति, संघीय निर्वाचन समिति हुँदै जिल्ला कार्य समितिका लागि निर्वाचन हुन्छ । वडा, पालिका र क्षेत्रिय समिति तथा जिल्ल कार्यसमितिमा ठुलो संख्यामा आकाँक्षीहरु देखिएपनि प्रदे समितिमा भने खासै कांग्रेसी कार्यकर्ताहरुले चासो देखाएका छैनन् ।
बाँकेका क्षेत्र नम्बर १ बाट संस्थापन पक्षबाट माधवराज खत्रीले क्षेत्रिय सभापतिका लागि तयारी गरिरहेका छन् भने पौडेल-कोईराला समुहबाट पोषण केसीको दाबी देखिएको छ । तप्त पौडेलले पनि क्षेत्रिय सभापतिको आकाँक्षा राखेका छन् ।
पूर्व पार्टी सभापति सुशिल कोईरालाको गृहनगरमा क्षेत्रिय समितिमा धेरै आकाँक्षीहरु देखिएका छन् । संस्थापन पक्षबाट बिरेन्द्र बहादुर शाह र रमेश गुप्ताको नाम चर्चामा रहेको छ । संस्थापन ईतरबाट भने अहिलेसम्म कसैकाे दाबी देखिएकाे छैन । क्षेत्र नम्बर ३ नम्बर क्षेत्रिय समितिमा भने संस्थापनबाट नक्की खाँको पक्का पक्की जस्तै बनेको छ । यद्देपी प्रकाश शाहीले पनि क्षेत्रिय सभापतिमा दाबी प्रस्तुत गरेका छन् ।
बाँकेमा जिल्ला सभापतिमा आकाँक्षा राख्नेहरुको संख्या ठुलो देखिएको छ । बाँकेमा जिल्ला सभापतिमा पौडेल-काईराला समुहका अलावा निधी समुह, सिटौला समुह पनि देखिएको छ । जिल्ला सभापतिमा अझै एक पटक कोईराला बिरासतबाट स्वर्गीय सुशिल काईरालाकी बुहारी वर्तमान सभापति किरण कोईरालाको दाबी रहने अधिकार छंदैछ । त्यस बाहेक सुनिल नसिंङ राणा, ज्ञानु केसी, युवराज शर्माको पनि सो समुहबाट चर्चा रहेको छ । त्यसैगरि देउवा पक्षबाट वादशाह कुर्मी, निरन्जनसिंह सिंजापती, लक्ष्मी नारायण शाह सभापतिको कुर्सी ताकेर बसेका छन् । बाँके जिल्ला सभापतिमा बिलेन्द्र निधीले समेत समुह बनाएर राजकुमार वर्मा वा बादशाह कुर्मीलाई छुट्टै उम्मेदवार बनाउने समेत बाँकेमा चर्चा रहेको छ । उता कृष्ण सिटौला निकट मानिएका नारायण गौडेल पनि सभापतिका दाबेदारकारुपमा देखिएका छन् ।
सभापतिमा अस्वस्थ प्रतिस्पर्धा हुने अवस्था देखिए सबैलाई समेटेर पूर्व सभापति कृष्णमान श्रेष्ठलाई सभापति बनाउने खेल पनि सुरु भएको एक कांग्रेसी कार्यकर्ताले खबरकुरालाई बताए ।
जिल्ला नेतृत्व सहित महा-समिति र महाधिवेशन प्रतिनिधि आफ्नो पोल्टामा पार्न देउवा समुहबाट किशोर सिंह राठौर नेपालगन्जमा डेरा जमाएर बसेका छन् भने पौडेल समुहबाट नेबिसंघका पूर्व अध्यक्ष महेन्द्र शर्मापनि नेपालगन्जमै खटिएका छन् ।
प्रतिक्रिया