काठमाडौं । प्रधानमन्त्रीको सरकारी निवास बालुवाटारबाट आफ्ना निजी निवास भक्तपुरको बालकोट पुगेका निवर्तमान प्रधानमन्त्री केपी शर्मा ओलीले माधवकुमार नेपालप्रति चर्को आक्रोश पोखेका छन् ।
बालुवाटारबाट लावालस्करसहित बालकोट पुगेपछि एमाले अध्यक्ष ओलीले आफ्नै पार्टीका वरिष्ठ नेता माधवकुमार नेपाललाई पार्टीमा कुनै स्थान नभएको बताएका छन् ।
अरु नेताहरुले आत्मालोचना गरेर आए स्वागत गर्न सकिने भएपनि नेपाललाई आत्मालोचनाको समेत स्थान नभएको ओलीले चेतावनी दिए । समर्थकहरुको उपस्थिति देखेर हौसिएका ओलीले भने ‘माधव नेपालको हकमा गल्ती कमजोरी स्वीकार गर्ने आत्मालोचना गर्ने कुनै ठाउँ छैन ।’
आफ्नो सरकार ढाल्ने मुख्य पात्र माधव नेपाल भएको आरोप लगाए ।
ओली बालकोट पुग्दा उनका समर्थकहरुले माधव नेपाल र प्रचण्ड विरुद्ध नारावाजी गरेका थिए । उनीहरुले माधव नेपाललाई फाँसी दे, प्रचण्डलाई फाँसी दे जस्ता नारा लगाएका थिए ।
प्रतिक्रिया