प्रधानमन्त्रीको कार्यभार सम्हालेपछि देउवाको पहिलो बैठक सीसीएमसीसँग

काठमाडौं । प्रधानमन्त्री शेरबहादुर देउवाले पाँचौ पटक प्रधानमन्त्री बनेपछि मन्त्रिपरिषद बाहेकको पहिलो बैठक कोभिडको उपचार, रोकथाम र व्यवस्थापनबारे कोभिड–१९ संकट व्यवस्थापन केन्द्र (सीसीएमसी) सँग गरेका छन् । देउवाले प्रधानमन्त्री नियुक्त भई कार्यभार सम्हालेपछि पहिलो बैठक बोलाएर सीसीएमसीका पदाधिकारीसँग छलफल गरेका हुन्।

सीसीएमसीका पदाधिकारीहरुसँगको छफलमा प्रधानमन्त्री देउवाले कोरोना उपचार, रोकथाम र नियन्त्रणलाई चुस्त र प्रभावकारी बनाउन निर्देशन दिएको देउवा स्वयंले ट्वीट मार्फत जानकारी दिएका छन् ।

छलफलबारे ट्विट गर्दे देउवाले भनेका छन् -‘आज कोभिड–१९ कोउपचार, रोकथाम र व्यवस्थापनका बारेमा हालसम्म भएका काम-कारबाहीका विषयमा कोभिड -१९ संकट व्यवस्थापन केन्द्र (सीसीएमसी) सँग जानकारी लिएको छु। कोरोनाको उपचार, रोकथाम र नियन्त्रणलाई अझ चुस्त र प्रभावकारी बनाउन निर्देशन गरेको छु।’

आज कोभिड–१९ को #उपचार, #रोकथाम र #व्यवस्थापनका बारेमा हालसम्म भएका काम-कारबाहिका विषयमा कोभिड–१९ संकट व्यवस्थापन केन्द्र (सीसीएमसी) सँग जानकारी लिएको छु। कोरोनाको उपचार, रोकथाम र नियन्त्रणलाई अझ चुस्त र प्रभावकारी बनाउन निर्देशन गरेको छु। pic.twitter.com/fftfYOwMx4

— Sher Bahadur Deuba (@SherBDeuba) July 14, 2021