प्रधानमन्त्री देउवालाई विश्वासको मत दिने महन्थ ठाकुरको घोषणा

काठमाडौं । जनता समाजवादी (पार्टी) जसपाको ठाकुर पक्षले प्रधानमन्त्री शेरबहादुर देउवालाई विश्वासको मत दिने घोषणा गरेको छ ।

जसपाका यौटा अध्यक्ष महन्थ ठाकुरले प्रतिनिधिसभा बैठकमा बोल्दै प्रधानमन्त्री देउवालाई विश्वासको मत दिने औपचारिक जानकारी गराएका हुन् ।

ठाकुरले जनताको जनादेशबाट नभएर अदालतको परमादेशबाट प्रधानमन्त्री बनेपनि आफुहरुले प्रधानमन्त्रीलाई विश्वासको मत दिने बताए । ठाकुरले आफुहरुले जहिले पनि सरकार फेरिने बेलामा यस्तै मत दिँदै आएको जनाउँदै आफुहरु विभेदमा पारिएकाको पक्षमा कोही नबोलेको गुनासो गरे ।

जसपाले पटकपटक उठाएका मागलाई कसैले पुरा नगरेको भन्दै निवर्तमान प्रधानमन्त्रीले प्रयास गरेको भन्दै केपी शर्मा ओलीलाई धन्यवाद दिए ।