काठमाडौं । नेकपाका महासचिव नेत्रविक्रम चन्दले नेकपा एमालेका अध्यक्ष केपी शर्मा ओलीसँग भेट गरका छन् ।
महासचिव चन्द आफ्ना नेताहरुसहित अध्यक्ष ओलीलाई भेट्न मंगलबार बिहान बालकोट पुगेका थिए ।
केहिदिनयता विभिन्न वामपन्थी नेताहरुसँगको भेटघाटलाई तिब्रता दिएका चन्दले आज ओलीसँग भेट गरका हुन् । ओली प्रधानमन्त्री भएको बेलामा सरकारसँग तीन बुँदे सहमति गरेर चन्द खुला राजनीतिमा प्रवेश गरेका थिए । चन्दले सरकार परिवर्तन भएपछिको अवस्थामा यसअघि आफुहरुसँग सरकारले गरेको सहमति के हुन्छ भन्नेबारे चासो राख्दै आएका छन् ।
ओलीसँग पनि समसामयिक राजनीतिक अवस्थाबारे नै छलफल भएको बताइएको छ । चन्दसँग नेकपा प्रवक्ता खड्गबहादुर विश्वकर्मा र सचिवालय सदस्य धर्मेन्द्र बाँस्तोला पनि सँगै गएका थिए ।
चन्दले यसअघि माओवादी अध्यक्ष प्रचण्ड, एमाले वरिष्ठ नेता माधवकुमार नेपाल, जसपा संघीय परिषद् अध्यक्ष बाबुराम भट्टराई, नेकपा क्रान्तिकारीका माओवादीका अध्यक्ष मोहन वैद्य र माओवादी परित्याग गरी एमाले बनेका रामबहादुर थापालगायतका नेताहरुसँग भेट गरको छन् ।
प्रतिक्रिया