भोलिदेखि लामो र मध्यम दूरीका यातायात संचालन हुने

खबर कुरा
८ श्रावण २०७८, शुक्रबार
                 

काठमाडौं । भोलिदेखि लामो र मध्यमदूरीका सार्वजनिक यातायात संचालनमा आउने भएका छन् ।

काठमाडौं जिल्ला प्रशासन कार्यालयले हाल जारी निषेधज्ञालाई अझ खुकुलो बनाउँदै सार्वजनिक यातायात खुला गर्ने निर्णय गरेको हो । यसअघि लामो दूरीको यातायात खुल्छ भने पनि खुला गरिएको थिएन ।

काठमाडौं जिल्ला प्रशासन कार्यालयले शुक्रबार सूचना जारी गर्दै त्रिभुवन विश्वविद्यालय र लोक सेवा आयोगका परीक्षाका कार्यक्रम सार्वजनिक भएका कारण परीक्षार्थीको आवागमनलाई सहज बनाउन यस्तो निर्णय लिइएको जनाएको छ । साउन ४ गते बसेको मन्त्रिपरिषद् बैठकले लामो दूरीको यातायात खुला गर्ने निर्णय गरेको थियो ।

सूचनामा उपत्यकाका सबै यातायात व्यवसायीलाई जनस्वास्थ्य मापदण्ड पूर्ण पालना गर्न आग्रह गरेको छ । यस्तै लामो दूरीमा यात्रा गर्ने हरेक यात्रुलाई टिकट काउन्टरबाट टिकर खरिद गरेर मात्र यात्रा गर्न आग्रह गरेको छ ।

 

यसमा तपाइको मत

Your email address will not be published. Required fields are marked *


*