काठमाडाैं । दल विभाजनको अध्यादेश ल्याए देशभरी आगो बाल्ने र चावहिलको भट्टी पसलमा रक्सी पिउने लाल बुद्धिजिवीहरुलाई ठिक पार्ने धम्कि दिँदै सडक भरी फोहर गरेर छाडिएको एमालेको युथ फोर्सले गरेको फोहर डा. गोबिन्द केसी सहित उनका समर्थकहरुले सफा गरेका छन् ।
नेकपा एमालेको भातृसंगठन युवा संघ नेपालले युथफोर्सको उपत्यका कमाण्ड घोषणा गर्दै सडक भरी फोहर फालेर भ्रष्टारचारको फोहर फाल्ने उदघोष गर्दा फालिएको पानीका बोतल, चुरोटका ठूटा र टोपी झण्डा लगायतका सामाग्री डा. केसीको समर्थकहरुले सफा गरेका हुन् । फोहर उठाउनेमा डा. केसी आफै सक्रिय सहभागी बनेका थिए ।
बिपी कोइराला स्वास्थ्य विज्ञान प्रतिष्ठान भएको लापरवाहीका विरुद्ध सांकेतिक आन्दोलनमा जम्मा भएका डा. केसीसहितको टाेलिले युथफोर्सले सडक र बगैँचामा गरेको फोहोर टिपेर व्यवस्थान गरेको हो ।
कमाण्ड घोषणा कार्यक्रममा सहभागी युथफोर्सका कार्यकर्ताले सडकभरी बोत्तल, सूर्य चिन्हसहितको क्याप, कपडा र चुरोटका ठुटा फालेका थिए।
‘युथ फोर्सको कार्यक्रम नजिकै सकिँदै रहेछ। बाटोभरि बोटल, क्याप, कपडा, चुरोटका ठुटाहरु आदि फालिएको रहेछ। हाम्रो समर्थन कार्यक्रम सकिएपछि हामीले माइतीघर सफा गर्यौँ।’ विवेकशील साझाका संयोजक मिलन पाण्डेले आफ्नो ट्वीटरमा लेखेका छन् ।
एमाले महासचिव इश्वर पोखरेलको उपस्थितीमा युथफोर्सको भ्याली कमाण्ड घोषणा गरिएको थियो । घोषणा कार्यक्रममा एमाले नेता महेश बस्नेतले सरकारले एमाले फुटाउने अध्यादेश ल्याएमा देशभर आगो लगाउने चेतावनी दिँदै एमाले विरुद्ध लेख्ने एमाले विरोधी वुद्धिजिवीहरुलाई ठिक पार्ने चेतावनी समेत दिएका थिए ।
माइतीघरमा विपी प्रतिष्ठानमा हुँदै गरेको आन्दोलनको समर्थनमा डा केसी सहित हामी केही साथीहरु थियौँ।
युथ फोर्सको कार्यक्रम नजिकै सकिँदै रहेछ। बाटोभरि बोटल, क्याप, कपडा, चुरोटका ठुटाहरु आदि फालिएको रहेछ।
हाम्रो समर्थन कार्यक्रम सकिएपछि हामीले माइतीघर सफा गर्यौँ।
१/२ pic.twitter.com/JPekYNL1wr— Milan Pandey (@MilanPandey) July 24, 2021
प्रतिक्रिया