इलाम । च्याउको तरकारी खाएर सिकिस्त भएको २ बाबुछोरालाई अस्पताल नलगेर झारफुकमा लगिएपछि इलामका ती बाउछोराको ज्यान गएको छ । इलामको फाकफोकथुम गाउँपालिकामा जंगली च्याउको तरकारी खाएर बिरामी परेको बाबुछोराको झारफुककै क्रममा मृत्यु भएको हो ।
इलामको फाकफोकथुम- १ लुम्सुङवाङका ५१ वर्षीय लेखबहादुर लिम्बु र उनका १२ वर्षीय छोरा दिवस लिम्बुको विषालु च्याउको तरकारी खाँदा मृत्यु भएको जिल्ला प्रहरी कार्यालय इलामले जनाएको छ।
एक साताअघि घर नजिकैको जंगलबाट ल्याएको च्याउको तरकारी खाएपछि उनीहरु सिकिस्त बिरामी परेका थिए। विरामी परेका उनीहरुलाई अस्पताल नलगी गाँउमै झारफुकको माध्यमबाट उपचार गरिएकोले समयमै उपचार नहुँदा मृत्यु भएको स्थानीयले बताएका छन्।
प्रतिक्रिया