उमेश श्रेष्ठ स्वास्थ्य राज्यमन्त्रीमा नियुक्त

काठमाडौं । प्रधानमन्त्री शेरबहादुर देउवाले नेपाली कांग्रेसका सांसद उमेश श्रेष्ठलाई स्वास्थ्य राज्यमन्त्रीमा नियुक्त गरेका छन् ।

राष्ट्रपति कार्यालयले आइतबार विज्ञप्ति प्रकाशित गर्दै संविधानको धारा ७६ को उपधारा ९ अनुसार सांसद श्रेष्ठलाई राज्यमन्त्रीमा नियुक्त गरेको जनाएको छ ।

मौजुदा मन्त्रिपरिषद्मा प्रधानमन्त्रीको सिफारिसमा स्वास्थ्य तथा जनसंख्या मन्त्रालयको जिम्मेवारी प्रधानमन्त्रीले नै सम्हाल्ने गरी उमेश श्रेष्ठलाई राज्यमन्त्रीमा नियुक्त गरी मन्त्रालयको कार्यभार सम्हाल्ने गरी तोकेको विज्ञप्तिमा उल्लेख गरिएको छ ।

असार २९ गते आफ्नो नियुक्तिको दिनमा कांग्रेस र माओवादीतर्फबाट दुई दुई जना गरी पाँच सदस्यीय मन्त्रिपरिषद् गठन गरेका देउवाले मन्त्रिपरिषद् विस्तार गरेका छैनन् ।

स्वास्थ्य मन्त्री नहुँदा महामारी नियन्त्रणको काम प्रभावकारी बन्न नसकेको भन्दै देउवाको आलोचना सुरु भएको थियो ।