रुकुम पश्चिममा २६ वर्षिया युवतीको धारिलाे हतियार प्रहार गरी हत्या

रुकुम । रुकुम पश्चिममा गए राति आफ्नै गोठमा अज्ञात ब्यक्तिले एक महिलाको हत्या गरेका छन् । त्रिबेणि गाउँपालिका– ४ छहरेकी २६ वर्षीया मनकला खत्री खड्काको हत्या भएको प्रहरीले जनाएको छ ।

राती भैँसीलाई घाँस हाल्न भन्दै घरबाट गोठ तर्फ गएकी मनिषालाई अज्ञात ब्यक्तिले धारिलो हतियार प्रहार गरी हत्या गरेको स्थानीयले बताएका छन् । हत्या भएको पुष्टि गर्दै रुकुम पश्चिम प्रहरी प्रमुख ध्रुवकुमार श्रेष्ठले प्रहरीले अनुसन्धान शुरु गरिसकेको बताए ।

घटनास्थलमा आर्फ पुगेर प्रारम्भिक मुचुल्का तयार गरेको बताउँदै श्रेष्ठले थप अनुसन्धानका लागि प्रदेश प्रहरी कार्यालयबाट तालिम प्राप्त कुकुर झिाईएको जानकारी दिए ।

‘हामीले गम्भिर अनुसन्धान थालेका छौं, प्रहरीले सोधपुछ शुरु गरेको छ ।’ उनले भने, ‘तालिम प्राप्त कुकुर झिकाईएको छ, कुकुर आईपुगेपछि थप अनुसन्धानले गति लिन्छ ।’

मृतकको श्रीमान् वैदेशिक रोजगारीमा रहेको बताईएको छ ।