६ चैत्र २०८०, मंगलबार | March 19, 2024

बुटवलमा खुल्लेआम कुहिएको माछामासुको ब्यापार : कुहिएको माछामासु नष्ट, माछामासु बेच्नेलाई अनुगमन समितिबाट उन्मुक्ति



बुटवल । बुटवल उपमहानगर भित्र खुलेआम सडेको माछामासु बेच्ने गरेको रङ्गेहात फेला पारेपनि बजार अनुगमन टोलिले सडेको माछामासु बेच्ने व्यवसायीलाई सम्झाइबुझाई उन्मुक्ति दिएको छ । उपमहानगरपालिकाको बजार अनुगमन समितिले आज बुटवल उपमहानगरका माछामासु पसलको अनुगमनमा ८० किलो बढी सडेको माछामासु बेच्दै गरेको फेला पारेपनि बेच्नेहरुलाई चेतावनी मात्र दिएर छाडिएको हो । बुटवलको नेपालगन्ज रोड र भुड्की चोकका मासु पसलेहरुले खुल्लेआम सडेगलेको माछामासु बेच्दै गरेको समितिले फेला पारेका छ ।

अनुगमनका क्रममा बुटवलको नेपालगन्ज रोडमा रहेको सददाम मासु तथा माछा पसलबाट ३८ किलो कुहिएको माछा र अस्पताललाईन स्थीत भुडकी चोकमा रहेको ताहिर मासु तथा माछा पसलबाट २५ किलो खसी बोकाको सडेको टाउको फेला पारेको थियो । अनुगमन टोलीले बुटवलको अस्पताललाईन संगै ईटाभट्टी, क्षेत्रका मासु पसलहरुको अनुगमन गरेको थियो। अनुगमनका क्रममा बिभिन्न मासु पसलहरुबाट सडे गलेका तथा अत्यन्त फोहर गरेर बिक्रि गर्न लागेको पाईपछि २० किलो जती माछा तथा मासु नष्ट गरेको छ । अनुगमन डोलिले फेला परेको ती मासुहरु बरामद गरेर नष्ट गरेपनि सर्वसाधारणको स्वास्थ्यलाई मजाक बनाउने माछामासु पसलेलेलाई भने अवदेखि त्यस्तो कार्य नगर्ने कागज गराएर उन्मुक्ति दिईएको छ ।

बुटवल उपमहानगर पालिकाका उप प्रमुख एवं बजार अनुगमन समितीका संयोजक गोमा देवी आचार्यको नेतृत्वमा गएको उपभोक्ता हित संरक्षण मन्च मासु ब्यवसायीका प्रतिनिधी सहितको टोलीले उपमहानगर क्षेत्रका मासू पसलहरुमा अनुगमन गरेको थियो । अनुगमनका क्रममा खसी बोका भन्दै बाख्रीको मासु समेत बेच्द्यै गरेको अवस्थामा समितिले फेला पारेका थियो ।

अनुगमनका क्रममा मासु पसल ब्यवस्थीत नगरिएको अत्यन्त फोहर गरि सरसफाईको कुनै ब्यवस्था नगरिएको बासी र सडेको मासु खुल्ला राखेर बेचबिखन गरिएको पाईएको अनुगमन समितीका संयोजक आचार्यले बताईन । उनले अनुगमनका क्रममा कतिपय पसलमा सडेको अवस्थाका माछा मासु तथा मासुजन्य पदार्थ राखिएको, पसलमा सफासुग्घर नगरिएको, माछा, मासु र तिनको रगतजन्य पदार्थलाई एकै ठाउँमा पोको पारेर राखेको अवस्थामा फेला पारिएको र त्यसलाई नष्ट गरिएको बताइन् ।

उपमहानगरका पशुपन्छी विकास शाखा प्रमुख पशु चिकित्सक झविन्द्र बञ्जाडेले विभिन्न छ वटा पसलबाट करिब ८० किलो बराबरको सडेको, अस्वस्थकर अवस्थाको माछा मासु नियन्त्रणमा लिएर नष्ट गरिएको जानकारी दिए । उनले ती पसललाई सुधार गर्न र उपभोक्तामैत्री बनाउन निर्देशन दिइएको बताए ।

बुटवल उपमहानगरमा अनुगमन हुने तर कारवाही नहुने प्रबृत्तिका कारण गलत काम गरेर नाफा आर्जन गर्नेहरुले प्रश्रय पाएको उपभोक्ताहरुको गुनासो छ । उपमहानगरले बजार अनुगमन कार्यबिधि बनाएर लागु गरेपनि त्यसको कार्यान्वयन फितलो भएका कारण कानुन विपरित काम गर्नेहरुलाई निरुत्साहित बनाउन नसकेको पाईएको छ ।

हाल बुटवल उपनगरपालिकाभित्र ५ सय खसिबोका, ३ हजार कुखुराको मासु दैनिक बिक्री हुदै आएको छ । नेपालमा प्रत्येक वर्ष १६ अर्ब बराबरको मासु आयात हुँदै आएको छ ।

 

प्रकाशित मिति : १४ श्रावण २०७८, बिहिबार  १ : ३८ बजे

सर्लाहीमा अमेरिकन पेस्तोलसहित २ जना पक्राउ

सर्लाही । सर्लाही प्रहरीले एकथान अमेरिकन पेस्तोल र गोलीसहित दुईजना

बेनीमा सुविधा सम्पन्न होटल थपिँदै, नयाँवर्षदेखि ज्ञान गौरी प्यालेस संचालन हुने

बेनी । पर्वतको जलजला गाउँपालिका वडा नम्बर ३ वारीबेनीमा सुविधा

प्रतिनिधिसभामा उठेका प्रश्नमाथि प्रधानमन्त्रीद्वारा जवाफ प्रस्तुत (पूर्णपाठ)

काठमाडौं । प्रधानमन्त्री पुष्पकमल दाहाल ‘प्रचण्ड’ले प्रमुख प्रतिपक्ष दल नेपाली

नेपाली कांग्रेसद्वारा निरन्तर गृहमन्त्री लामिछानेको राजीनामा माग

काठमाडौं । प्रमुख प्रतिपक्षी दल नेपाली कांग्रेसले उपप्रधानमन्त्री एवम् गृहमन्त्री

भ्रष्टाचार विरुद्ध शून्य सहनशीलता नीति लिइएको छ : प्रधानमन्त्री

काठमाडौं । प्रधानमन्त्री पुष्पकमल दाहाल ‘प्रचण्ड’ले नेतृत्वको सरकार गठन भएदेखि