काठमाडौं । सत्ता गठबन्धनको कार्यदल बैठक आज पनि बस्दै छ ।
प्रधानमन्त्री निवास बालुवाटारमा बिहान ९ बजे बस्ने बैठकले सरकारको न्यूनतम साझा कार्यक्रमलाई अन्तिम रुप दिई शीर्ष नेतृत्वलाई हस्तान्तरण गर्ने कार्यदलका एक सदस्यले बताए ।
यसअघि सोमबार बिहान बसेको बैठकले सरकारको न्यूनतम साझा कार्यक्रमको खाका तयार पारेको थियो ।
सरकारको नीति तथा निर्णयलाई प्रभावकारी बनाउनका लागि सत्तारूढ दलले न्यूनतम कार्यक्रम बनाउन लागेको हो । यसका लागि कांग्रेसका महामन्त्री पूर्णबहादुर खड्काको नेतृत्वमा कार्यदल नै बनेको छ ।
कार्यदलको बैठक शनिबार पनि बसेको थियो । आइतबार कार्यदलका केही नेताबीच छलफल भई मस्यौदा तयार गरिएको छ ।
न्यूनतम साझा कार्यक्रममा सरकारका प्राथमिकताका क्षेत्र तय गरिनेछ । कार्यदलले कोरोना नियन्त्रणलाई मुख्य प्राथमिकताको क्षेत्र निर्धारण गरेको छ ।
प्रतिक्रिया