निर्वाचन आयोगबाट ४१ राजनीतिक दलको दर्ता खारेज, अव नेपालमा ९५ वटा मात्र राजनीतिक दल (सूचीसहित)

काठमाडौं । निर्वाचन आयोगले लेखा प्रतिबेदन नबुझाउने विभिन्न ४१ वटा राजनीतिक दलहरूको दर्ता खारेज गरेको छ । मंगलबार बसेको आयोगको बैठकले तीन वर्षसम्म लेखा प्रतिवेदन नबुझाउने राजनीतिक दलहरूको दल दर्ता गरेको निर्वाचन आयोगका प्रवक्ता राजकुमार श्रेष्ठले जानकारी दिएका छन् । प्रवक्ता श्रेष्ठका अनुसार साउन २० गतेदेखि लागु हुने गरि दलहरुको दर्ता खारेज गरिएको हो ।

दलहरुको दर्ता खारेज भएपनि दर्ता खारेज भएका दलहरूको नाम, झण्डा र चुनाव चिन्ह भने एक बर्षसम्म अरुले प्रयोग गर्न नपाउने आयोगले जनाएको छ । आयोगको निर्णयसँगै १३६ दल दर्ता भएको आयोगमा अव दर्तावाल दलहरुको संख्या ९५ वटामा सीमित भएको छ ।

नेपालको राजनीतिमा सानो समय चर्चामा आएको अखण्ड नेपाल, शिवसेना पार्टी, नेपाली काँग्रेस राष्ट्रवादी, चुरे भावर, लगायतका दलहरूको दर्ता आयोगको निर्णय अनुसार खारेज भएको छ ।