काठमाडौं । नेकपा माओवादी केन्द्रका नेता नारायणकाजी श्रेष्ठले दार्चुला घटनाबारे भारतले सार्वजनिक क्षमायाचना गर्नुपर्ने माग गरेका छन् ।
राष्ट्रिय सभाको विषेश समयमा बोल्दै नेता श्रेष्ठले भारतले अबिलम्ब सार्वजनिक रुपमा क्षमा माग्नुपर्ने माग गरेका हुन् ।
श्रेष्ठले यो घटनाबारे भारत सरकार समक्ष औपचारिक रुपमा आपत्ति प्रकट गर्न सरकालाई आग्रह गरे । श्रेष्ठले घटनको छानविन गरी दोषीलाई कारवाही हुनुपर्ने बताए ।
सत्तासाझेदार दलको तर्फबाट दार्चुला घटनाबारे भारत विरुद्ध सार्वजनिक अभिव्यक्ति दिएको यो पहिलो पटक हो ।
नेकपा एमालेका सांसदहरुले यो घटनाबारे सरकारले भारतसँग कुरा गर्न नसकेको र घटनाको ढाकछोप गरेको आरोप लगाउँदै आएका छन् ।
प्रतिक्रिया