कोरोना अपडेड : ३९३८ नयाँ संक्रमित थपिए, २०१२ संक्रमणमुक्त, ३७ जनाको मृत्यु

काठमाडौं । बिहीबार नेपालमा थप ३ हजार ९३८ जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयले बिहीबार अपरान्ह अपडेट गरेको तथ्यांक अनुसार ११ हजार ८७० पीसीआर परीक्षणमा ३ हजार ७ जना र ६ हजार ५३८ एन्टिजेन परीक्षण गर्दा ९३१ जना गरी जम्मा ३ हजार ९३८ जनामा संक्रमण पुष्टि भएको हो ।

पछिल्लो २४ घण्टामा २ हजार १२ जना संक्रमण मुक्त भएका छन् । यसै अवधिमा ३७ जनाको मृत्यु भएको छ । मन्त्रालयका अनुसार आज देशभर ३४ हजार ४२२ जना सक्रिय संक्रमित रहेका छन् ।

नेपालमा हालसम्म कोरोना संक्रमितको कुल संख्या ७ लाख ८ हजार ७९ पुगेको छ । तीमध्ये ६ लाख ६३ हजार ६६३ जना संक्रमणमुक्त भएका छन् । ९ हजार ९९४ जनाको मृत्यु भएको मन्त्रालयले जनाएको छ ।