११ बैशाख २०८१, मंगलबार | April 23, 2024

अन्तत: बार्सिलोनाबाट बाहिरिए लियोनल मेस्सी



एजेन्सी । स्पेनिस क्लब बार्सिलोनाका कप्तान लियोनल मेस्सीले क्लब छाडेका छन् । क्लबका अध्यक्ष जोन लार्पोतोले गएराति पत्रकार सम्मेलन गरि मेसीसँग भएको छलफल र सम्झौता हुन नसकेको विषयमा जानकारी गराएका थिए ।

बार्सिलोनाले ला लिगाको वित्तीय संरचनाको कानुनी अडचनले गर्दा मेस्सीसँग सम्झौता नवीकरण गर्न नसकिएको जनाएको छ । मेसी अन्तराष्ट्रिय ड्यूटी र त्यसपछि परिवारसँग छुट्टी मनाएर केही दिन अघि मात्रै बार्सिलोना फर्किएका थिए ।

अघिल्लो सिजनको अन्त्यसँगै बार्सिलोनासंगको सम्झौता सकेका मेसीले नयाँ सम्झौताका लागि क्लबको नयाँ नेतृत्वसँग बार्ता गरेका थिए । सो क्रममा सहमतिमा पुग्न नसकेको र एउटा दुखद अन्त्यको घोषणा गर्नुपरेको बार्सिलोनाले विज्ञप्तीमार्फत जानकारी गराएको छ ।

क्याटलन क्लबको एकेडेमीमा हुर्किएका मेस्सी अब फ्री ट्रान्सफरमा अन्य क्लब जानेछन् । बार्सिलोनासँगको यात्रा टुङ्गिएसँगै मेसी फ्रेन्च क्लब पेरिस सेन्ट जर्मेन (पीएसजी) वा प्रिमियर लिग क्लब म्यानचेस्टर सिटी जाने चर्चा चलेको छ । पीएसजीले यसअघि नै मेसीलाई प्रस्ताव गरिसकेको छ । त्यहाँ उनका मन मिल्ने साथी नेयमार र एन्जल डि मारिया छन् ।

३४ वर्षीय मेस्सीले २००४ मा बार्सिलोनाको सिनियर टिममा डेब्यु गरेका थिए । बार्सिलोनाका कीर्तिमानी खेलाडी मेस्सीले ७ सय ७८ खेलमा ६ सय ७२ गोल गरेका छन् । मेस्सीले बार्सिलोनाबाट १० ला लिगा उपाधि जित्दा ४ च्याम्पियन्स लिगको उपाधि जितेका छन् । यस्तै उनले ७ पटक कोपा डेल रे उपाधि हात पारे ।

प्रकाशित मिति : २२ श्रावण २०७८, शुक्रबार  ७ : ३४ बजे

कतारमा पानी निर्यातको अवसर

काठमाडौं । नेपालले पानी निर्यात गरी आर्थिक समृद्धि हासिल गर्नसक्ने

गाजा युद्धको विषयमा अमेरिकी विश्वविद्यालयहरूमा विरोध बढ्दै

काठमाडौं । अमेरिकाको कोलम्बिया युनिभर्सिटीदेखि येल युनिभर्सिटी र अन्य राज्यका

कतारका अमिर नेपालमा, राष्ट्रपति पौडेलबाट स्वागत

काठमाडौं । मित्रराष्ट्र कतारका अमिर शेख तमिम विन हमाद अल

सांस्कृतिक र पर्यटन उपभोग प्रवर्द्धन गर्न चीनको पहल सुरु

गुआङझोउ । चीनमा सांस्कृति तथा पर्यटन मन्त्रालयले सांस्कृति तथा पर्यटन

६ नेपाली महिला क्रिकेट खेलाडी मलेसिया प्रस्थान

काठमाडौं । मलेसियाको सुपर वुमेन्स कप खेल्ने ६ नेपाली राष्ट्रिय