काठमाडौं । नेकपा एमालेको स्थायी कमिटी र केन्द्रीय कमिटी बैठक आज बस्न लागेको छ ।
एमालेमा एकताको प्रयासका लागि भन्दै आइतबार बोलाइएको केन्द्रीय कमिटी बैठक आजलाई सारिएको थियो ।
ललितपुरको च्यासलस्थिल तुलसीलाल स्मृति प्रतिष्ठानमा आज बिहान ११ बजे स्थायी कमिटी र दिउँसो ३ बजे केन्द्रीय कमिटी बैठक बस्ने भएको हो ।
एमाले केन्द्रीय कार्यालयका सचिव शेरबहादुर तामाङका अनुसार बिहान बस्ने स्थायी कमिटी बैठकले केन्द्रीय कमिटी बैठकका एजेन्डा तय गर्नेछ । बैठकमा पार्टीको विधान संशोधन, विधान अधिवेशनको तयारी, पार्टी एकतालगायतका विषयमा छलफल हुने उनले बताए ।
वरिष्ठ नेता माधवकुमार नेपाल पक्षसँग सहमति गर्ने प्रयास स्वरुप आइतबारको बैठक सारिएको थियो । आइतबार अध्यक्ष केपी शर्मा ओली र नेपाल पक्षका केही नेताबीच छलफल भएको थियो ।
प्रतिक्रिया