काठमाडौं । पूर्वप्रधानमन्त्री डाक्टर बाबुराम भट्टराईले पूर्वप्रधानमन्त्री केपी शर्मा ओलीले संसदमा गरेको सम्बोधनको कटाक्ष गरेका छन् ।
प्रमुख प्रतिपक्षी दलको हैसियतमा संसदमा सम्बोधन गरेका एमाले अध्यक्ष एवं पूर्वप्रधानमन्त्री ओलीले आज सत्तारुढ दलहरुको चर्को आलोचना गरेका थिए ।
ओलीको सम्बोधन लगत्तै डा. भट्टराईले ट्वीट गर्दै भनेका छन्, ‘सबको औषधी दैवले रचिदियो बिर्सेछ कि मूर्खको’
भट्टराईले ओली आफ्नै कुकर्मले सत्ताच्यूत भएको टिप्पणी गरेका छन् । उनले ओलीले संसदमा ओलीको कुरा जो चोर उसकै ठूलो स्वर भएको जनाएका छन् ।
भट्टराईले लेखेका छन्, ‘भर्खरै आफ्नै कुकर्मले सत्ताच्यूत भएका ओलीको संसदमा कुरा सुन्दा र हाउभाउ हेर्दा स्कूलमा पढेको कवितांशको याद आयो ! पटकपटक संविधानको उल्लंघन, संसदको हत्या,अध्यादेशको राज, भ्रष्टाचारको पहाड बारे न कुनै क्षमायाचना ! उल्टै जो चोर उसको ठुलो स्वर !’
“सबको औषधी दैवले रचिदियो बिर्सेछ कि मूर्खको”!
भर्खरै आफ्नै कुकर्मले सत्ताच्यूत भएका ओलीको संसदमा कुरा सुन्दा र हाउभाउ हेर्दा स्कूलमा पढेको कवितांशको याद आयो! पटकपटक संविधानको उल्लंघन,संसदको हत्या,अध्यादेशको राज,भ्रष्टाचारको पहाड बारे न कुनै क्षमायाचना!उल्टै जो चोर उसको ठुलो स्वर!— Baburam Bhattarai (@brb1954) August 10, 2021
प्रतिक्रिया