बुटवल । लुम्बिनी प्रदेशका नव नियुक्त मुख्यमन्त्री कुल प्रसाद केसी सोनामले मुख्यमन्त्री पदमा नियुक्त भएकै दिन ५ जनालाई मन्त्रिपरिषद सदस्यमा नियुक्त गरेका छन् । ४ दलिय गठबन्धनको निर्णय अनुसार शुरुमा सानो आकारको मन्त्रिमण्डल गठन गरिएको गठबन्धनका नेताहरुले जनाएका छन् ।
पहिलो चरणमा मन्त्री हुनेहरुमा दाङबाट डिल्ली चौधरी, रुपन्देहीबाट सहस्रराम यादव र प्युठानबाट कृष्णध्वज खड्का छन् । जसपाबाट पुर्मती ढेँगा र सुमन शर्मा रायमाझीलाई पनि आजै मन्त्री पदमा नियुक्त गर्ने निर्णय भएकाे कांग्रेस ससदीयदलका प्रमुख सचेतक फकरुद्दीन खानले जानकारी दिए । आज ४ः३० बजे मुख्यमन्त्रीको सपथसँगै मन्त्रीहरुलाई सपथ गराउने कार्यक्रम तय भएको बताईएको छ ।
प्रतिक्रिया