काठमाडौं । नेकपा माओवादी केन्द्रले ५ दलिय गठबन्धनलाई आगामी चुनाव सम्म कायम राख्नु पर्ने प्रस्ताव अगाडि सारेको छ । आजबाट शुरु भएको केन्द्रीय समितिको बैठकमा अध्यक्ष प्रचण्डले प्रस्तुत गरेको प्रतिबेदनमा एमाले अध्यक्ष केपी ओलीविरुद्ध बनेको वर्तमान सत्तारुढ गठबन्धनलाई आउने तीनै तहका निर्वाचनसम्म कायम राख्ने प्रस्ताव गरिएको हो ।
अध्यक्ष प्रचण्डले शनिबार पेश गरेको राजनीतिक तथा सांगठनिक प्रतिवेदनमा ओलीविरुद्धको गठबन्धन लोकतान्त्रिक प्रणाली, संविधान र स्थायित्व तथा सुशासनका लागि भएकाले आउने चुनावसम्म कायम राख्न आवश्यक रहेको प्रस्तावमा उल्लेख छ ।
प्रचण्डले आगामी स्थानीय, प्रदेश र संघीय निर्वाचनमा माओवादीलाई नेतृत्वदायी शक्तिका रुपमा स्थापित गर्ने गरी सांगठानिक योजना समेत प्रस्ताव गरेका छन् । प्रचण्डले एमालेसँगको एकतालाई आवश्यक थानेपनि ओली सहितको एमालेसँगको एकता र गठबन्धन भने अस्विाकार गरेका छन् । प्रचण्डको प्रस्तावमा ओलीबाहेकका कम्युनिस्टहरुको एकीकरण गर्ने उल्लेख छ ।
केन्द्रीय समितिको बैठकलाई सम्बोधन गर्दै प्रचण्डले शेरबहादुर देउवाको सरकार कुनै पनि बेला अल्पमतमा पर्न सक्ने खतरा कायम रहेको बताएका छन् ।
प्रचण्डले प्रतिगमनको खतरा अहिले पनि जीवितै रहेको औंल्याउँदै वर्तमान सरकार माधव नेपालको अडानका कारणले मात्र टिकेको दाबी गरे । । परिवर्तन उल्ट्याउन खोज्ने शक्तिले यो गठबन्धनलाई भत्काएर पुरानै सरकार ल्याउन खोजिरहेको पनि प्रचण्डले बताए ।
एमालेसँगको एकता र गठबन्धन उपयुक्त भए पनि केपी ओलीको अहंकार र दम्भका कारण नेकपा विघटन भएको उनले बताए ।
यस्तो छ प्रचण्ड प्रतिबेदनको पूर्णपाठ :
प्रतिक्रिया