काठमाडौं । नेकपा माओवादी केन्द्रको शनिबारबाट शुरु भएको केन्द्रीय कमिटी बैठक आज पनि बस्दैछ ।
केन्द्रीय कमिटी बैठक बस्नुअघि अहिले पार्टी केन्द्रीय कार्यालय पेरिसडाँडा कोटेश्वरमा स्थायी समिति बैठक बसिरहेको छ ।
बैठकमा जारी केन्द्रीय समिति बैठकमा नेताहरुको कार्यविभाजन लगायतका विषयमा छलफल भइरहेको छ । यसैगरी अध्यक्ष प्रचण्डले शनिबार पेश गरेको प्रस्तावमाथि गु्रप छलफलबाट निस्कने प्रश्नहरुको कसरी जवाफ दिने भन्नेबारेमा छलफल हुँदैछ ।
आज बिहान ११ बजेदेखि बस्ने बैठकमा अध्यक्ष पुष्पकमल दाहाल प्रचण्डले शनिबार प्रस्तुत गरेको राजनीतिक र संगठनात्मक प्रतिवेदनमाथि छलफल हुने माओवादी केन्द्रले जनाएको छ ।
कांग्रेससँग गठबन्धन र बामपन्थी शक्तिसँग सहकार्यको प्रस्तावसहित अध्यक्ष प्रचण्डले प्रस्तुत प्रतिबेदनमाथि आजबाट समूहगत छलफल हुने माओवादी केन्द्रका एक नेताले बताए । बैठकमा समूहगत छलफलका लागि ८ वटा समूह बनाइएका छन् ।
प्रतिवेदनमा अध्यक्ष प्रचण्डले आगामी पुस ११ देखि १३ गतेसम्म राष्ट्रिय सम्मेलन गर्न प्रस्ताव गरेका छन् ।
प्रतिक्रिया