काठमाडौं । नेकपा माओवादी केन्द्रको जारी स्थायी समिति बैठकमा आज अध्यक्ष पुष्पकमल दाहाल प्रचण्डले जवाफ दिनेछन् । गत शुक्रबारदेखि सुरु भएको स्थायी समिति बैठकमा पार्टीभित्रका समस्या र समाधानका विषयमा अन्य नेताहरु बोलिसकेपछि आज अध्यक्ष प्रचण्डले छलफलमा उठेका प्रश्नहरुको जवाफ दिँदै छन् ।
बैठकमा कतिपय नेताहरुले अध्यक्ष प्रचण्डको कार्यशैलीको आलोचना गर्दै नेतृत्वमा उनको विकल्पसमेत खोजनुपर्ने बताएपछि बैठक पेचिलो बनेको छ । आज बिहान ११ बजे केन्द्रीय कार्यालय पेरिसडाँडामा बैठक बोलाइएको छ ।
उपमहासचिव जनार्दन शर्माले लिखित धारणा राख्दै अध्यक्ष प्रचण्डको विकल्पमा तेस्रो पुस्ताका युवालाई नेतृत्व दिनुपर्ने प्रस्ताव राखेसँगै माओवादीमा तरङ्ग पैडा भएको छ ।
शर्माको प्रस्तावमा हालको केन्द्रीय समिति भंग गरी अध्यक्ष प्रचण्डको संयोजकत्वमा महाधिवेशन आयोजक समिति बनाउने र प्रत्यक्ष निर्वाचनबाट नयाँ नेतृत्व चयनको बाटो अपनाउनुपर्ने उल्लेख गरिएको बैठकमा सहभागी एक नेताले बताए ।
प्रतिक्रिया