काठमाडौं। नेकपा माओवादी केन्द्रले स्थायी समितिको बैठक बोलाएको छ । बिहीबार बसेको पार्टीको पदाधिकारी बैठकले स्थायी समितिको बैठक बोलाउने निर्णय गरेको हो। पुस ४ गतेका लागि केन्द्रीय समितिको बैठक तय गरेको माओवादीले त्यसको पूर्व तयारी स्वरुप स्थायी समितिको बैठक बोलाएको हो ।
आज बसेको पदाधिकारी बैठकले केन्द्रीय समितिको बैठकको तयारी र एजेण्डाहरूका विषयमा छलफल गर्न स्थायी समितिको बैठक राख्ने निर्णय गरेको माओवादीका सचिव देवेन्द्र दाहालले जानकारी दिए । ।
सरकारले संविधान संशोधनको प्रयास अगाडि बढाउन खोजेको भन्दै सो सम्बन्धमा छलफल गर्न स्थायी समिति बैठक बोलाईएको माओवादीका एक नेताले बताए ।
बिहीबार बसेको पदाधिकारी बैठकमा नेताहरूले प्रत्यक्ष निर्वाचित कार्यकारी प्रमुख, पूर्णसमानुपातिक निर्वाचन प्रणाली र संसद बाहिरबाट मन्त्री बनाउने व्यवस्थाका लागि संघर्ष गर्नुपर्ने विषयमा छलफल भएको बैठकमा सहभागी ति नेताले बताए ।
प्रतिक्रिया