काठमाडौं । नेकपा माओवादी केन्द्रको जारी केन्द्रीय समिति बैठक आजै सकिने भएको छ ।
पार्टी कार्यालय पेरिसडाँडामा बिहान बसेको स्थायी समिति बैठकले आज नै केन्द्रीय समिति समेत बैठक सम्पन्न गर्ने निर्णय गरेको हो ।
स्थायी समिति बैठकमा नेताहरुको कार्यविभाजन लगायतका विषयमा छलफल भएको थियो । यसैगरी आजको केन्द्रीय समिति बैठकमा केन्द्रीय सदस्यहरुले गर्ने समुहगत छलफलबाट आउने रिपोर्टलाई भोलि बस्ने स्थायी समिति बैठकले थप ब्याख्या र निस्कर्ष निकाल्ने निर्णय भएको प्रवक्ता नारायणकाजी श्रेष्ठले बताए ।
अहिले केन्द्रीय समितिको बैठक सुरु भैसकेको छ । बैठकमा अध्यक्ष पुष्पकमल दाहाल प्रचण्डद्वारा हिजो पेश भएको राजनीतिक तथा सांगठनिक प्रतिवेदनमाथि समूहगत रुपमा छलफल हुँदैछ ।
प्रतिक्रिया