काठमाडौं । नेकपा माओवादी केन्द्रको केन्द्रीय समिति बैठक अध्यक्ष पुष्पकलम दाहाल प्रचण्डको राजनीतिक र विधान प्रतिवेदन पारित गर्दै सकिएको छ ।
<रशनिवार र आइतबार दुई दिन बसेको बैठकले आगामी पुस दोस्रो साता पार्टीको राष्ट्रिय सम्मेलन गर्ने निर्णय गरेको छ । माओवादीले सबै जिल्ला समिति खारेज गर्दै समन्वय समितिमा रूपान्तरण गरेको छ ।
बैठकपछि संचारकर्मीसँग कुरा गर्दै प्रवक्ता नारायणकाजी श्रेष्ठले बैठकले विधान संशोधन र समसामयिक प्रतिवेदन पनि पास गरेको जानकारी दिए।
<बैठकले देशमा अझै पनि प्रतिगमनको खतरा कायमै रहेको निष्कर्ष निकालेको बताए । ‘प्रतिगामी खतरा कायमै रहेको र सजग भएर अघि बढ्नुपर्ने, राष्ट्रिय एकताका लागि वाम लोकतान्त्रिक सहकार्यलाई निरन्तरता दिन आवश्यक छ’, बैठकको निष्कर्ष बारे श्रेष्ठले भने ।
बैठकमा प्रचण्डको प्रतिवेदनमाथि समुहगत छलफल भएको थियो । त्यसपछि समुहगत छलफलबाट आएको निस्कर्षलाई समुह प्रमुखहरूले प्रस्तुत गरेका थिए ।
समापन बैठकलाई सम्बोधन गर्दै अध्यक्ष प्रचण्डले पार्टीलाई रूपान्तरण गर्न आवश्यक रहेको बताएका थिए । उनल अहिले पार्टीमा बुर्जुवाकरण भएको बताउँदै नेताहरू सुध्रिनुपर्ने अन्यथा पुस्तक लेखेर बसेहुने बताएका थिए ।
प्रतिक्रिया