बुटवल । लुम्बिनी प्रदेशसभाको नवौं अधिवेशनको पहिलो बैठक प्रारम्भ हुनासाथ स्थगित भएको छ । बैठकको प्रारम्भमा नै प्रमुख विपक्षी नेकपा एमालेका सांसदहरुले उठेर विरोध जनाएपछि सभामुख पुर्ण घर्तीले बुधबार १ बजे सम्मका लागि बैठक स्थगित गरेका छन् ।
बैठक शुरु भए लगत्तै एमाले प्रमुख सचेतक भुमिक्कवर ढकालले समय माग गर्दै एमालेबाट अनुशासनकाे कारवाहीमा परेका २ सांसदलाई पदमुक्त गरिएकाे सूचना नसुनाएसम्म बैठक चल्न नसक्ने बताएका थिए । सभामुख घर्तीले प्रक्रिया अनुसार निर्णय हुने भन्दै बैठक अगाडी बढाएका थिए । बैठक प्रारम्भ गर्दै एमालेको अवरोधकैबीचमा सभामुख घर्तीले प्रदेश प्रमुखको प्रदेशसभा अधिवेशन र मन्त्रिपरिषद गठन सम्बन्धी पत्र पढेर सुनाएका थिए । एमालेका सांसदहरुले आ आफ्नो स्थानबाट उठेर लगातार अवरोध जनाएपछि सभामुख घर्तीले बैठक स्थगित गरेका हुन् ।
प्रतिक्रिया